26/08/2025
შეხვედრა ბიზნესთან
15 ივლისს, სასტუმრო პულმანში, აფხაზეთის ა/რ სავაჭრო-სამრეწველო პალატამ, აფხაზეთის ა/რ ფინანსთა და ეკონომიკის სამინისტროს მხარდაჭერით, გამართა შეხვედრა ბიზნესთან.
ღონისძიებას სიტყვით მიმართეს აფხაზეთის ა/რ მთავრობის თავმჯდომარე გიორგი ჯინჭარაძემ, ფინანსთა და ეკონომიკის მინისტრმა თენგიზ ნასარიძემ და სავაჭრო-სამრეწველო პალატის პრეზიდენტმა გოგიტა თედორაძემ.
შეხვედრის პირველ ნაწილში ბიზნესის მხარდამჭერი სახელმწიფო პროგრამების შესახებ პრეზენტაციები წარადგინეს:
სსიპ „აწარმოე საქართველოში“ მიკრომეწარმეობის განვითარების დეპარტამენტის უფროსმა ანა უგულავამ, სოფლის განვითარების სააგენტოს საინფორმაციო დეპარტამენტის უფროსმა ია ჭუბაბრიამ და თბილისის მერიის ეკონომიკური განვითარების საქალაქო სამსახურის უფროსმა ვახტანგ ლომჯარიამ.
ღონისძიების მეორე ნაწილში გაიმართა პანელური დისკუსია თემაზე „ბიზნესის საჭიროებები და გამოწვევები“, რომელშიც მონაწილეობდნენ: აფხაზეთის ა/რ ფინანსთა და ეკონომიკის მინისტრი თენგიზ ნასარიძე, “ამბასადორი ბათუმი აილენდის“ გენერალური დირექტორი გოჩა კამკია, შპს „კლინტექის“ დამფუძნებელი ვლადიმერ ჭელიძე და სოციალური საწარმო „დადარის“ დამფუძნებელი არჩილ გობეჯიშვილი.
დისკუსიას მოდერაციას უწევდა პალატის პრეზიდენტი გოგიტა თედორაძე. შეხვედრა მიმდინარეობდა კითხვა-პასუხის რეჟიმში, რაც მონაწილეებს შესაძლებლობას აძლევდა უშუალოდ მიემართათ სპიკერებისთვის.
ღონისძიებას ასევე ესწრებოდნენ აფხაზეთის ა/რ მთავრობის თავმჯდომარის მოადგილე ანზორ მარგიანი და თბილისის საკრებულოს თავმჯდომარის მოადგილე თინათინ ნიბლოშვილი.
ღონისძიების ფარგლებში მოეწყო აფხაზეთიდან დევნილი მეწარმეების პროდუქციის გამოფენა-გაყიდვა.