26/08/2025
საერთაშორისო პლენერი მშვიდობისათვის 2025
აფხაზეთის ავტონომიური რესპუბლიკის სავაჭრო-სამრეწველო პალატამ თავის მეწარმეებთან ერთად მონაწილეობა მიიღო ქალაქ ბათუმში გამართულ აფხაზეთიდან დევნილი მეწარმეების პროდუქციის გამოფენა-გაყიდვაში.
ღონისძიება გაიმართა პროექტის „საერთაშორისო პლენერი მშვიდობისთვის 2025“ ფარგლებში, რომელიც 4-9 აგვისტოს პერიოდში გაიმართა აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ორგანიზებით და „შავი ზღვის ქვეყნების მხატვართა საერთაშორისო გაერთიანება პლენერი-20“-ისა და აჭარის ავტონომიური რესპუბლიკის კულტურის სამინისტროს მხარდაჭერით.
ღონისძიებას ესწრებოდნენ აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის უმაღლესი საბჭოს თავმჯდომარე ჯემალ გამახარია, მთავრობის თავმჯდომარის მოადგილე ანზორ მარგიანი, აფხაზეთის იძულებით გადაადგილებულ პირთა მინისტრი დავით ფაცაცია, ადგილობრივი თვითმმართველობის წარმომადგენლები და მოწვეული სტუმრები.
გამოფენა-გაყიდვამ, რომელიც გაიმართა ბათუმის ბულვარში, ვიზიტორებში დიდი ინტერესი გამოიწვია.
აფხაზეთის ავტონომიური რესპუბლიკის სავაჭრო-სამრეწველო პალატა მადლობას უხდის ღონისძიებაში ჩართულ ყველა უწყებასა და მეწარმეებს.