26/08/2025
შავი ზღვის თაფლის ფესტივალი
16-17 აგვისტოს, ბათუმში შავი ზღვის თაფლის ფესტივალი გაიმართა.
აფხაზეთის ა/რ სავაჭრო-სამრეწველო პალატამ, აჭარის სავაჭრო-სამრეწველო პალატასთან თანამშრომლობით, ფესტივალზე აფხაზეთიდან დევნილი მეწარმეების მონაწილეობა უზრუნველყო.
სტუმრებს შესაძლებლობა ჰქონდათ დევნილი მეწარმეების მიერ წარმოდგენილ თაფლისა და მეფუტკრეობის მრავალფეროვან პროდუქციას, ასევე უნიკალურ ხელნაკეთ სუვენირებს გაცნობოდნენ.
ფესტივალს ესწრებოდნენ: აფხაზეთის ა/რ ფინანსთა და ეკონომიკის მინისტრი თენგიზ ნასარიძე, მინისტრის მოადგილე მიხეილ ანჩაბაძე, საქართველოს გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი და აჭარის ა/რ სოფლის მეურნეობის მინისტრი დენის სალუქვაძე.
„შავი ზღვის თაფლის ფესტივალი“ ტრადიციულად მეწარმეებს მთელი საქართველოდან აერთიანებს და ხელს უწყობს მეფუტკრეობის პოპულარიზაციას, ადგილობრივი წარმოების განვითარებასა და ცნობადობის გაზრდას.
აქტიური ტურისტული სეზონის გამო, ფესტივალს უამრავი უცხოელი სტუმარიც დაესწრო.